بقلم دعاء سمير
أدركت حين بلغت الثلاثين ان:
* ممكن تحقق اللي معرفتش تعمله في عشريناتك واحسن مما تتصور ادعي انت بس واعمل اللي عليك وقول يارب مفيش حاجه بعيده عن ربنا.
*كلمة حلوة كفيلة تطلعك سابع سما اوتنزلك سابع ارض او يجيلك تبلد تام ميفرقش معاك مين بيقول ايه انت وحظك( اختر من بين الاقواس)
* هتبقي أقل اندفاع وتسرع عن زمان.
* هتتغير طريقك تعاملك مع الناس وهتفهم اكتر.
* مهما كنت بتحب الدوشة هتميل للهدوء ومهما كنت بتحب الشئ الملفت للنظر هتميل اكتر البساطه .
* عادي جدا جدا لو وصلت لل ٣٠ ولقيت نفسك بقت حد تاني متعرفوش .
* مش هتستني حاجة من حد وهتكتفي بنفسك.
* هتدور على حاجات جديده معملتهاش وتحاول تطور نفسك .
*هتفرح بأي مجهود ذاتي ليك واحتمال كبير متلاقيش اللي يشاركك فرحتك
* هتعرف طعم وقيمة النجاح وأنه عمره ما كان طريق سهل بس يستاهل التعب عشانه .