العدسة نيوز
مقالات مشابهة
نعت الشيف هالة فهمي زوجها الراحل برسالة مؤثرة وجهت فيها الشكر والعرفان له في أول ظهور لها بعد وفاته عبر برنامجها “ست الحبايب” المذاع عبر شاشة قنوات “هي” .
تابعت الشيف فهمي حديثها قائلة: “النهاردة مكنتش متخيلة أبدًا إني هقول كده، إيهاب مكنش بس جوزي ولا عشرة عمري، ده كان أبويا وأخويا وابني كمان، أنا اتجوزته وأنا عيلة صغيرة، وعيشت معاه أكتر ما عيشت في بيت أبويا، ولما أبويا مات محستش بالإحساس اللي أنا فيه ده، حتى الزعل والحزن على أمي وأبويا غير اللي أنا فيه دلوقتي” .
أشارت فهمي في حديثها تفاصيل الفترة الأخيرة في حياة زوجها الراحل قائلة: “أنا الفترة اللي فاتت دي دوقت طعم المرار، وكنت حاسة إني بقيت لوحدي بالرغم من كل الناس اللي كانت حواليا، أول مرة أطلع حلقة وهو مش قاعد دلوقتي بيتفرج، كان عنده ميعاد الحلقة ده ميعاد مقدس، حتى الفترة الأخيرة كان بيبقى تعبان جدا ومش مركز أو بيغيب عن الوعي، كان أول ما ميعاد الحلقة تيجي يشاور ليهم على التلفزيون علشان يشغلوا الحلقة، كنت بخلص الحلقة واجري عليه احكي له اللي عملته، وفي الأيام الأخيرة كان سامعني بس مش مركز كنت برضو بحكي له” .
ووصفت الشيف هالة فهمي زوجها بأنه خير الزوج وونيس العمر “كان ونيس وعشرة العمر وحبيب العمر بجد” ، أختتمت فهمي حديثها بالدعاء لزوجها الراحل قائلة: “ربنا يجعل كل الألم والعذاب اللي كان فيه في ميزان حسناته وشفيع ليه” .
