العدسة نيوز
مقالات مشابهة
علق منتج مسرحية “زواج اصطناعي ” الكاتب صلاح الجهيني الرد على المخرجة كاملة أبو ذكري فيما يخص حديثها حول تحضير وعرض المسرحية في ٣ أيام عر موسم الرياض في ردها على حديث بيومي فؤاد عن محمد سلام.
قال صلاح الجهيني عبر “فيس بوك” ردًا على المخرجة كاملة أبوذكري: «من الحاجات اللي بتضايق أي فنان هي انتقاد الناس وتقييمهم للعمل من خلال الإعلان دون مشاهدة العمل نفسه …و كان شيء مؤسف جدًا لما الناس هاجمت مسلسل قبل ما تشوفه لمجرد أن حواجب البطلة على البوستر معجبتهمش ولكن المؤسف أكثر أن مخرجة ليها تقديرها واحترامها زي الاستاذة كاملة أبو ذكري قررت تهاجم عمل فني وتتهمه إنه اتكتب واتنفذ في 3 ايام بدون ما تشوف منه أي مشهد …متجاهلة مجهود اكتر من 60 شخص اشتغلوا على مدار 5 شهور عشان العمل ده يظهر ويتنفذ على الوجه اللي هما شايفينه بيرضيهم .
كما تابع الجهيني :«أستاذة كاملة ..أنا مقدر موقفك السياسي والانساني ولكن يؤسفني أقول لحضرتك إنك جرحتي عدد كبير من الفنانين والشباب المجتهد اللي بيعتبروا حضرتك قدوة ليهم بدون وجه حق» .
هجوم كاملة أبوذكري على بيومي فؤاد
حيث قالت المخرجة كاملة أبوذكري عبر فيس بوك :«الأستاذ الفنان اللي كنت واحدة من محبيه، لو حضرتك فاكر إنك لما تعمل عمل اتحضر واتكتب واتنفذ في تلات أيام، وتروح تعرضه وترقص وتغني وتضحك، وبعد كده تآخد آلاف الدولارات، لو ده بتسميه فن فأنا لا يشرفني إني أكون زميلة لك في هذه المهنة».
ثم تابعت: «ولما تكون بتعرض التفاهات دي ده لا يشرف الفن المصري، ولما تعرض التفاهة دي وجارك بيدبحوا أطفاله ونساءه، ورجاله وتقولي الفن، يبقي ما عنديش كلام أقدر أقوله غير إن الإحساس والفن نعمة أنتم آخر ناس تتكلموا عنها».
