العدسة نيوز
مقالات مشابهة
سنين النكسه كانت حسره
كسرة نفس لشعب ومهانه
كنا في حالة استرخاء أو استهانه
بعدو جار لينا من طبعه الخيانه
والغدر والمكر من أهم صفاته
خدنا قلم علي وجوهنا في خمسه من يونيه
طياراته ضربت مطارتنا بكل حريه وندتله
وهجم علي سينا و فصلها عنا هو احنا كنا في غفله
فرج العالم علينا وفي كتير قوي منهم كانو في حالة شماته
فوقنا علي صدمه ومراره هزيمه أو نكسه
بنو علي طول القناة حصون وموانع وخطوط قصدهم عزله
كان لابد نكسر في نفوس جنودنا اي خوف وهزيمه ومراره
كان لابد من سنين استنزاف تستنزف فيها عدته وأمواله
وتعد جيشنا ونمده بسلاح يمحي بيه اي هزيمه وملامه
كان لابد لينا من وقفه ووقفنا وقفات كتير قوي حلوه
اكلمك علي صمود شعب قال لا صوت يعلو فوق صوت المعركه
كان عايش فتره زمنيه كلها ازمات متلاحقه
وكان صابر وحامد ربه وبيقوي عزيمته علشان يخوض حربه
مرت علينا اوقات صعبه وعددها من السنين سته
كان فيها أحلام الشباب وافراحهم وحياتهم رهينه
وجت اللحظه المناسبه وضربنا طيارات العدو وشرب من الهزيمه
والنكسه
كان نصر أكتوبر شرف لكل العرب ورد قاسي علي كل الخونه
ملحمه وطنيه بين شعب وجيشه كانو علي عهد بالوحده
سلام سلاح لكل لكل الجنود الي كانوا مرابطين علي الجبهه
وسلام للشهداء ضحوا بأرواحهم وكان شعارهم النصر أو الشهادة
وسلام من قلوبنا ليكي يا بلدنا مصر ليكي الف تحيه وتحيه
