العدسة نيوز
مقالات مشابهة
انتقدت مقدمة البرامج نانسي مجدي في حلقة برنامج “القاهرة اليوم” إطلالة الفنانة اللبنانية باميلا الكيك في حفل “الموريكس دور”.
ووصفت نانسي مجدي هذه الإطلالة إنها محاولة للتريند.
وقالت نانسي مجدي: “أنا بتضايق جدا لما بشوف فنانينا العرب لما بيحبوا ياخدوا اللقطة ولما بيحبوا يطلعوا تريند في أي مهرجان أو على أي ريد كاربت، بيغربوا شكلهم، ليه أنا معرفش عقدة الخواجة، بنقلد معرفش ليه اللوك اللي أنا شفته بتاع باميلا الكيك أنا شفته قبل كده مثلا على كيم كاردشيان شفته مع ليدي جاجا في كليب من كليباتها المريبة”.
وتابعت نانسي مجدي: “ما الغرب برضو بيبقوا عايزين يطلعوا تريند وبيلبسوا حاجات مريبة أكتر من كده على الريد كاربت بس دايما الفنانين في هوليوود أو أيا كان لما بيحبوا يطلعوا تريند باللوك بتاعهم هتلاقيهم لابسين حاجة قريبة من ثقافتهم وعاداتهم وتقاليدهم وقريبة من عقيدتهم ودينهم عمركم ما هتلاقيهم خارجين برا الإطار دا، لكن إحنا لما بنحب ناخد اللقطة ونطلع تريند مش بنعمل حاجة شبهنا إحنا بنحاول نبقى شبههم ليه أنا معرفش هل عمرك شفت فنان أجنبي عالمي عشان يطلع تريند لبس مثلا الزي الوطني السعودي أو القطري”
وأطلت باميلا الكيك في الحفل ترتدي جمبسوت وقناع كريستالي أخفى وجهها، ولم تخلع القناع إلا عند صعودها على المسرح لاستلام جائزتها.
وقالت باميلا الكيك عن إطلالتها: “كتير انتقدت إذا حكيت أو ما حكيت الصمت كان مدوّي، الحب والتشوق والاستمتاع كان مدوّي أكتر، حب حب حب شكرا للكل دون استثناء، بعتذر من قلبي من كل الصحافة اللي ما اعطيتون ولا كلمة مبارح ولا حرف من السكوت اللّي كان الحمدالله الو رجّة وصوت كل شي بيطلع من القلب لا بدّ إنو يخرق القلب شكرا لكل اللي ساهموا بإنجاح هالفكرة اللي منّا أكتر من فكرة سقط القناع”.
