العدسة نيوز
مقالات مشابهة
أكدت الإعلامية مي حلمي رفضها لفكرة طرح المشاكل الزوجية وأسباب الطلاق على منصات السوشيال ميديا، واستغلال هذه المواضيع لعمل “تريند”، كما يحدث في بعض حالات المشاهير أو الساعين للشهرة.
وقالت مي حلمي خلال لقائها مع الإعلامي عبد العزيز أحمد في برنامج “بالمايك والقلم”: “في ناس بتعمل أفراح تريندات ودي مصيبة سودا، وفي نوعية عايزة تتشهر وبتعمل الطلاق لمجرد البروباجاندا، اللي عايز يبني بيت مش بيعمل ده”.
وأضافت: “أنا اتعرض عليا حوارات من 3 سنين، نص مليون وأطلع أتكلم ساعة، لكن أنا آخر همي الفلوس وبعملها، ولو عايزة أقول حاجة كنت قلتها، أنا إعلامية ومش محتاجة منصة”.
تحدثت مي حلمي خلال اللقاء عن صعوبة قرار الطلاق بالنسبة للطرفين قائلة: “قرار هدم البيت مش سهل، والست اللي داخلة تبني بيت عمرها ما تاخد القرار ده، خصوصا لو قرار الجواز بالنسبة لها مش سهل، بتفكر وتقول لكن التنفيذ صعب”.
وردا على سؤال هل سبق لها أن طلبت الطلاق، قالت مي حلمي: “أنا متجوزتش كتير، أنا مبقولهاش ولا اللي قدامي بيقولها لأن أنا حالة خاصة شوية، وحتى كلمة إنت طالق اتحرمت منها”.
تحدث مي حلمي خلال اللقاء عن بعض المواصفات التي تهتم بها في الرجل قائلة: “أنا السن مش فارق معايا، أنا يهمني الدماغ، ولو في سن الخمسين أتقبلها، ويكون سينجل”.
وأكدت مي حلمي أنها تعتبر التوقيع على عقد الزواج مسؤولية قائلة: “دي ورقة اتعلمت ما أمضيهاش تاني، محتاجة تفكير وحالته الاجتماعية إيه، ومحتاجة عيلة وأسس وتربية وبيت طالع منه”.
وأضافت: “الأولاد مسؤولية ولازم يبقى أبوهم راجل راقي ومحترم، وأنا أكون ست راقية محترمة”.
