العدسة نيوز
مقالات مشابهة
تحدثت الفنانة لوسي عن مهنة الرقص وكشفت عن أجمل الأشياء في “الكباريه” من وجهة نظرها.
وقالت لوسي خلال لقائها في برنامج “عندي سؤال” من تقديم محمد قيس عبر قناة “المشهد”: “أجمل ما في الكباريه الناس اللي جايالك تتفرج على شغلك واستعراضاتك وتسمع صوتك وتشوف أدائك، والرزق للناس اللي حواليك”
وتابعت لوسي: “الكباريه كلمة فرنساوي “بعد الساعة 12″ لأن الناس بتاخدها أن في حاجات مش حلوة، السينما المصرية هي اللي صورت للناس الكباريه كده”.
أما عن مهنة الرقص فأكدت لوسي أنه فن راقي لكن اسم راقصة ظلمها كثيرا وقالت: “لقب راقصة ظلمني كممثلة وإنسانة في المجتمع اللي بيبص للفن “الباليه أو الرقص الشعبي أو السالسا” أنواع الرقص كله بيبصوا له بصة مش في مكانها”
وأكملت لوسي: “الرقص فن محترم وجميل وراقي، كل الرقص شيء بيخرج من جواك الحزن وكل حاجة مش حاببها، ابقى حزينة وعندي حالة وفاة مثلا وأطلع على المسرح أنا انبسط عشان أبسط الناس، أعمل فن جميل عشان تستمتع زي ما أنا اتربيت على صوت أم كلثوم وفيروز وعبد الحليم، الفن شيء ممتع”.
وأضافت لوسي: “الرقص مش جسد يتمايل، كل حد وتفكيره وذوقه وثقافته وتربيته، في ناس متعرفش تسمع موسيقى شرقي اتربت على السيمفونيات، لكن ممكن لو سمع حاجة لفيروز أو أم كلثوم أو وديع الصافي يتمايل ويحس بشجن هو دا الفن، إنت وثقافتك وتربيتك”.
يذكر أن آخر أعمال لوسي مشاركتها في الجزء الثالث من مسلسل “المداح” الذي عرض في رمضان 2023 من بطولة حمادة هلال وهبة مجدي ومحمد رياض وخالد سرحان ودنيا عبد العزيز وحنان سليمان ويسرا اللوزي، تأليف أمين جمال ووليد أبو المجد وإخراج أحمد سمير فرج.
