حل الفنان أحمد عز ضيفًا في مداخلة هاتفية بقناة “CBC” ضمن احتفالات ذكرى انتصارات حرب أكتوبر، وذلك خلال تواجد اللواء محيي نوح والذي جسد شخصيته بفيلم “الممر”.
ورحب “عز” باللواء محيي وعلق قائلًأ: “كان شرف ليا أني أجسد الدور ده وأنا قعدت مع حضرتك كتير وده شرف وفخر ليا أني أعمله”.
مستكملاً: “الفيلم ده كان من أصعب الأفلام اللي اتعملت على مستوى التحضيرات واللوكيشنات احنا كنا بنسوق في الصحرا جوا 4 ساعات وكل واحد مش معاه غير مايته بس عشان نختار أماكن تصوير، والفضل ده يرجع للشئون المعنوية والمخرج الكبير شريف عرفة”.
وأوضح: “وأحنا كلنا شغالين كنا حاسين إننا بنعمل حاجة كبيرة أوي والموضوع كبير أوي وأحنا كنا بنصور وعارفين إننا راجعين لكن الناس اللي جسدناهم كانوا عارفين إنهم مش راجعين ومقابل اللي عملوه وفيلم الممر هو أقل ما يقال لناس كانت شايلة أرواحها وهي ماشية”.
آخر أعمال الفنان “أحمد عز”:
يُذكر أن أحمد عز يشارك ببطولة الجزء الثالث من فيلم “ولاد رزق” للسيناريست صلاح الجهيني، والفيلم من إخراج طارق العريان، ومن المقرر عرضه بحلول عام 2024.