العدسة نيوز
مقالات مشابهة
ورد وشوك
سكينة الشريف
مصر
ـــــــــــــــــــــــــــــــــــــ
كلمة وقالوها زمان.. عتاب العايب إيه
مالقيش في الورد عيب.. قام قال الشوك ماليه
كان نفسه يكون قريب.. رمانا من إيديه
مالقيش في الورد عيب
*
ومن وقت ما رماني الهموم حلت عليه
والورد الأبيضاني إسود مابين إيديه
مالقاش في الورد عيب
*
خداع و الكل شاهد.. تزييف مهما يقول
فبلاش تأليف مشاهد.. على فيلم وكان قديم
ما راعاش مسكة إيديا .. ولا يفهم في الأصول
ما هو دا الوش الحقيقي.. غشاش وكمان لئيم
مش لايقة عليه البراءة.. تمثيله يبان عجبب
مالقيش في الورد عيب
*
الصورة واضحة أكيد.. وبعنده بيداري
يرمي التهم بالزور.. والحقد متداري
مالقيش في الورد عيب
*
لو كان قولك صحيح.. سمعني قول وقول
خداع واضح وباين.. فهماه كل العقول
ما الحاقد دا طول حياته.. بيعيب ف ابن الأصول
من بعد ما عاش حياته.. يتمنى يكون قَريب
مالقيش في الورد عيب
*
جواسيس تنقل كلام.. هو اللي في نفسك
يا مصاحب الأباليس.. ما تلومشي غير نفسك
وانت ضليع في الخداع.. مين دا اللي هاينافسك
بتعيب وانت اللي فيك.. مليار و مليون عيب
صدق اللي قال يا زمن
مالقيش في الورد عيب
