العدسة نيوز
مقالات مشابهة
حكى الفنان ماجد المصري عن الطريقة التي تعرف بها على زوجته رانيا أبو النصر، وكيف أتم الخطبة وعقد القران في شهر واحد.
وقال ماجد المصري في لقائه مع Gossip: “رانيا من طنطا هي بنت خالة صديق عمري، دايما لما كنت بكون موجود في أفراح العيلة كانت بتبقى موجودة، كنت دايما أهزر وأقول أنا هخطب البنت دي لما تكبر، هي كانت بتحبني من أيام مسلسل “لدواعي أمنية” بس هي أخدت الجملة بجد وأنا كنت بهزر، حتى وقتها زمان بعد ما انفصلت عن أم أولادي كنت خاطب فنانة وحضرنا فرح هي كانت موجودة فيه وعرفت بعدها أنها كانت متضايقة”.
وتابع: “كنت في عيد ميلاد ماهيتاب بنتي وصاحبي عزم رانيا بنت خالته، لقيتها داخلة قلت إيه دا مين الوحش اللي داخل دا مين دي؟ عرفت أنها رانيا وقلت هخطبها صاحبي قالي إنه خطبها، قلت له هتسيبها وأقسمت بالله إني هخطبها، لكن طلع بيشتغلني، ورحت اتصور معاها سألتها إنتي مخطوبة لحمادة قالت لي أه، قلت لها انسي وقعدنا نهزر وبدأنا نتكلم وربنا أكرمني بيها”
وأكمل ماجد المصري حكايته: “هي كانت آخر سنة في الجامعة وكان في فرق بينا والدها حسيت إني لو طولت في الخطوبة ممكن يغير رأيه وياخدوا بالهم، يوم الجمعة قرينا الفاتحة اللي بعدها الخطوبة وبعدها كتب الكتاب وأخدتها واتجوزنا”.
يشار إلى أن ماجد المصري يعرض له مسلسل “مفترق طرق” عبر منصة “شاهد vip”.
مسلسل “مفترق طرق” من بطولة هند صبري، إياد نصار، ماجد المصري، جومانا مراد، هدى المفتي، نهى عابدين وعلي الطيب إلى جانب عدد من الفنانين الذين يظهروا ضيوف للحلقات، يقدم النسخة العربية السيناريست شريف بدر الدين، ويتولى الإخراج أحمد خالد موسى
