العدسة نيوز
مقالات مشابهة
بقلم دعاء سمير
أدركت حين بلغت الثلاثين ان:
* لا وقت للانهيار فالعالم يسير بك أو بدونك فأعمل في صمت.
*مهما كانت درجة قربك من اي شخص لا احد يشعر ماتمر به غير نفسك و مهما كثرت “المعلش” فالنتيجة محسومة.
*لا يوجد شخص فوق الصدمات مهما كانت علاقتك به. “توقع اى شئ”
* علي سقف طموحك متبطلش تحلم “لأن ده اللي هيصبرك عشان تقدر تكمل ”
*المرتاح مرتاح من صغره محدش هيرتاح بعد الثلاثين “يابختك يامحدش”
*ثقتك بنفسك هتزيد وثقتك في الناس هتقل.
*فقدان الشغف ده ممكن يبدأ من العشرينات عادي
*أن حب العمر خيال،ان من تريده يعيش فقط في الخيال، أنه لا يمت للواقع بصلة” فعلى سقف طموحك براحتك كده كده مش هتشوفه فالواقع غير”
*طولها وعرضها واحد كله رايح “ضياء لوجيك”
* حب نفسك ودلعها عشان محدش هيجي يحبهالك.
*اتصالح مع أي حاجه في حياتك وسهل الدنيا على نفسك “كلام إنشا محدش بيعرف يعمل كده كان زمانها كلها ارتاحت”
*”العوض ” خبط في الدنيا وخليها تخبط فيك ربنا ليه حكمته في وقت وشكل العوض المناسب ليك ثق بالله فقط وانتظر” حلاوة العوض ”
- #يُتبع
