العدسة نيوز
مقالات مشابهة
تحدث مارسيل كولر، المدير الفني لفريق الأهلي، عن مباراة الفريق ضد سيراميكا كليوباترا في كأس السوبر المصري.وقال كولر، خلال المؤتمر الصحفي: «أتمني جمهور الأهلي يقفل الملعب بكره ويدينا طاقه ، سلاح الجمهور سلاح مهم جدا بالنسبه لينا وللفريق عشان نقدر نحقق البطولة».
وأضاف: «لاعبيتنا لاعيبه كبيره جدا متعوده علي ضغط المباريات ومتعوده علي الريتم دا واحنا عندنا قايمه كبيره هيبقا فيه لاعيبه كتير هتتغير بكره وعندي ثقه أي 11 لاعب هينفذوا المطلوب بس مطلوب منهم التركيز».
وتابع: «انا واثق في لاعيبتي جدا وعارف انهم هيطلعوا اللي عندهم عشان احنا ماينفعش نخسر 3 بطولات ورا بعض ، الأهلي مش متعود علي كدا ف إحنا مافيش عندنا مجال للشكوي من الضغط واحنا كجهاز اداري واللاعيبه وكلنا مركزين لاني اللقب دا مهم للنادي».
وواصل: «مشكلة الاهداف موجوده من السنه اللي فاتت المشكله السنه دي اني احنا بنخلق فرص اكتر من السنه اللي فاتت وكلفتنا ماتشات كبيره ودا اللي وجعنا اكتر وواجع الناس ، بالنسبه لموديست حظه معايا وحش جدا بسبب انه اول ما بدأ يشتغل معايا اتصاب وبعدها بدأ يشتغل علي نفسه تاني وخدت طرد ونفسيته كانت مدمره بس احنا بنشتغل معاه وهو عايز يظهر نفسه للجمهور».
وأردف: «انا سعيد جدا بخلق الفرص اللي احنا بنخلقها لاني دا معناه اني احنا بنلعب كوره صح ناقص بس التوفيق واللمسه الاخيره».
واوضح: «انا بقالي كتير في مجال كورة القدم وكل ما هتعلي في المستوي هتلاقي الضغط بيزيد دا طبيعي متفهم وجهة نظر الجمهور وزعله بس هو الجمهور اوقات مش بيكون شايف التمرين ولا عارف حالة اللاعب وبيبقا متوقع من اللاعب اكتر من اللازم ف انا عاذرهم لانهم مش كل يوم معايا في التمرين ، زيكم كصحفين مش كل يوم بتعمل احلي شغل في حياتك اكيد بيبقا عندك مشاكل وضغوط ف هتغطي خبر غلط او مش هتبقا احسن حاجه فبتمني اني التقيمات ماتبقاش منفعله جدا مانتعاملش بالقطعه ، فيه لاعيبه ز الشناوي مثلا مابيفرقش معاه سوشيال ميديا مهما حصل وفيه لاعيبه صغيره بتتأثر بيها».
واختتم: «اكبر عنصرين بعتمد عليهم في التشكيل اول حاجه جاهزية اللاعب تاني حاجه علي حسب الخصم اشوف اللاعيب دا هينفع ولا لا بس كل اللاعيبه جاهزه وعندهم الروح».
