العدسة نيوز
مقالات مشابهة
تحدث الفنان كريم قاسم عن حقيقة التحدث مع الموتى، بعد مشاركته في مسلسل زينهم وتجسيده دور طبيب شرعي يعمل داخل مشرحة مع الفنان أحمد دواد.
حيث قال كريم قاسم خلال لقاء له: “لما قرأت سيناريو مسلسل زينهم افتكرت فيلم اتفرجت عليه اسمه الحياة بعد الموت، والعمل اتكلم عن الناس اللي عندهم هبة التواصل مع الأموات ودي هبة الناس بتتولد بيها، ولكن نسبتهم قليلة جدًا، وساعات ممكن يقول حاجة أو يسمع حاجة أو يوصل له رسالة بشكل ما مش واضحة وصريحة ممكن بإشارة إني موجود هنا أو خلي بالك أو صوت أو لمبة، وفعلًا طلبت من يحيى إسماعيل المخرج يتفرج عليه”.
كما أضاف كريم قاسم: “في مدرسة للناس اللي بتتواصل مع الأموات في هولندا، والموضوع كان عبث بالنسبة لي قبل ما أشوفه ولكني وجدت أن فيه احتمال لتواصل البعض مع الموتى أو العالم الآخر، وده ساعدني أحضر الشخصية، واتفقت مع يحيى إسماعيل أن الفرق بين شخصية زينهم وجيمي إن زينهم بيتكلم مع عقله الباطن وليس الأموات، ولكن جيمي بيبدأ يحصل له تواصل مع العالم الآخر بإشارت مش واضحة وهو مش فاهم ده، ولذلك فيه فرق واضح بين الشخصين”.
وتابع كريم قاسم: “في المشاهد اللي كان بيحصل فيها تعرض ممثل أو ممثلة أو طفل لحادث ويتوفي ويدخل المشرحة، كان رد الفعل حقيقيا ومخيفا، وكان الواحد بيتقبض وبيخاف وبنقعد وقت لما نمثل إننا دكاترة عادي متعودين على الجثة فالموضوع كان صعب”.
