العدسة نيوز
مقالات مشابهة
قالت المخرج كاملة أبو ذكري، إن تدخل الفنان في عمل المخرج أمر غير مقبول ولم يحدث معها من قبل، بجانب تعليقها على تصريحات الفنان باسم سمرة بشأن تعليمه للفنانة نيللي كريم التمثيل في مسلسل بنت اسمها ذات.
وأضافت كاملة أبو ذكري في تصريحات تلفزيونية: تدخل الفنان في عمل المخرج قلة آدب ومحصلش معايا، ولكن بسمع إن فيه ممثلين بيتدخلوا في اختيار الممثلين اللي قدامهم واختيار الكاميرا وكتابة السيناريو، أنا اشتغلت مع نجوم كبار وعمري ما شفت عادل إمام بيتدخل في الإخراج أو السيناريو، وده اللي بوظ الدنيا وكل واحد كان عارف شغلته.
وأكملت كاملة أبو ذكري: المخرج اللي يوافق على كده عشان عايز يشتغل ويرضي النجم ومش عايزين حد يقول دمه تقيل بيبقى مخرج ضعيف، والقصة مش زعيق ولا فرض رأي ولكن المخرج هو المسئول عن كل حاجة وهو القائد.
وعن رأيها في الفنان الوحيد الذي تسمح له بالتدخل في عملها، ردت قائلة: لو عادل إمام أو أحمد زكي هو اللي يعمل اللي هو عايزه، وأي حاجة هيقولها أوافق عليها وأي حد غيرهم مستحيل أوافق يتدخل في عمل الإخراج.
كاملة أبو ذكري: مسلسل ذات نقلة فنية لـ نيللي كريم
ردت كاملة أبو ذكري، على تصريح باسم سمرة بأنه علم نيللي كريم التمثيل في مسلسل ذات، قائلة: أول يوم تصوير مكنش فيه غير نيللي بس وخلتني أعيط كان مشهد لبنت عندها 18 سنة وفجأة لقينا نيللي عندها 18 سنة، ونيللي كريم موهوبة ومسلسل ذات كان مرحلة ونقلة فنية لـ نيللي ومفيش حاجة اسمها كده من تصريحات باسم سمرة، والممثلين قدام بعض كل واحد بيدي للتاني ويعلو بعض ومش معنى أن باسم سمرة وانتصار ممثلين كبار نقلل من باقي الممثلين ونيللي كريم نجمة كبيرة.
