العدسة نيوز
مقالات مشابهة
أوضحت الفنانة نجلاء بدر رأيها في فكرة تعرض البنات للتحرش، مؤكدة أنها إذا تعرضت لهذا الأمر ستقوم بإبلاغ الشرطة.
حيث قالت نجلاء بدر خلال لقاء لها، إنها إذا تعرضت للتحرش يومًا ما ستفكر في إبلاغ الشرطة لأن الزمان تغير، معلقة: “زمان مكنتش ممكن أعمل كده بس دلوقتي ممكن أعملها لأن الزمن اتغير واختلف، أحنا زمان كنا بنخاف والواقعة كانت بالنسبالنا صدمة، وزمان مكنش في تحرش زي دلوقتي، زمان لو كان حد يتطاول عليكي كانت بتبقى خضة وواقعة كبيرة أوي، والخضة بتخليكي مبتعرفيش تتصرفي النهاردة أنتي تقدري لو حد تطاول عليكي تطلعي تليفونك في ساعتها علشان تصوريه أنتي كده عندك دلائل، وبقى عندك صوت تقدري تقوليه”.
كما أضافت نجلاء بدر: “أحنا كنا زمان بنخاف حتى بتخافي تقولي لأهلك إنك اتعرضتي لكده فأنا أعتقد إن الزمن اختلف والإثبات بقى أسهل يعني الأول مكنتيش بتعرفي تثبتي دلوقتي لأ، أصل أول حاجة ده اتحرش بيا، ودائما البنت هي اللي المقهورة وأحنا لسه مجتمع ذكوري، بس أنا شايفة إن دلوقتي بقى في منظمات ومواقف بتدافع عن ده فبقى في وسائل تقدري تعبري فيها عن ده وتخدي بيها حقك”.
آخر أعمال نجلاء بدر
يعد دورها في مسلسل صوت وصورة آخر أعمال الفنانة نجلاء بدر، وحققت من خلاله نجاحًا كبيرًا، ودارت أحداث المسلسل حول رضوي والتي جسدت شخصيتها – حنان مطاوع- وهي متهمة بقتل الرجل الذي دمر حياتها وتحرش بها وفلتت من العقاب، وتتراكم عدد من الأدلة علها والفيديو الخاص لجريمة القتل ويتغير كل شيء بمساعدة الذكاء الاصطناعي.
