العدسة نيوز
مقالات مشابهة
استضافت الإعلامية بسمة وهبة ريم طارق طليقة مؤدي المهرجانات حسن شاكوش للحديث عن أخر أزماتها مع شاكوش وأثارت ريم طارق جدلا واسعا من خلال تصريحاته وسنعرض أبرز تصريحات ريم التي صرحت فيها خلال هذه الحلقة.
ـ عملت فيديو علي إنستجرام اتكلمت فيه عن حسن شاكوش حلو من ورا أهلي عشان الموضوع يتقفل.
ـ أهل الخير اللى كانوا بيحاولو يحلو الأزمة وقعوا بينا.
ـ حسن شاكوش عاوز مني ايه بعد كل اللى عمله.
ـ أنا ولية وحقي كده كده راجع.
ـ شاكوش ليه يجيب سرتي ويعيب فيّا.
ـ دبر لي الخدعة من أول يوم زواج وكتب في قسيمة الجواز إني بكر رشيد عشان لما أتكلم يحبسني.
ـ حسن شاكوش خدعني لتالت مرة وفضحني وجرسني وشهّر بيّ واتكلم عني وقال إني مصابة بأمراض كتير وداس على كرامتي.
ـ اعتذرت لوالدته لانها ست كبيرة ملهاش يد فى المشكلة.
ـ حسن شاكوش كان طالع يستفزني و لابس بيجامتي في الفيديو المنتشر على السوشيال ميديا.
ـ متنزلتش عن القضايا اللى رفعته عليه ولسه في قضيه كمان ولكن مش عاوزه أتكلم عنها.
ـ حقوقي هي المؤخر والقايمة وأغراضي الشخصية مثل الملابس الفرش.
ـ المؤخر بتاعي 300 ألف جنيه،القائمة بـ200 ألف جنيه، و100 ألف جنيه ذهب.
ونشرت ريم طارق طليقة حسن شاكوش، مقطع فيديو قصيرا لها عبر ستوري حسابها الخاص بتطبيق التواصل الإجتماعي “إنستجرام”، وجهت من خلاله رسالة للإعلامية رضوى الشربيني.
وقالت ريم ، في مقطع الفيديو، لـ رضوى الشربيني: «أنا عاملة الفيديو دوت علشان أوضح الفيديو اللي انتشر على السوشيال ميديا إن أنا خدت حقوقي وكده.. أنا كان إجباري عليا إن أنا أعمل الفيديو ده عشان آخد حاجتي.. وبعد ما أخدتها الفيديو نزل وكان لسه المفروض لما المشكلة تخلص خالص الفيديوهات تنزل».
وتابعت طليقة حسن شاكوش: «بس هرجع وأقول ما فيش أي صلح حصل وكل اللي حصل كان فيلم ولعبة علشان السوشيال ميديا والإعلاميين يهاجموني، أستاذة رضوى إنتي ما تعرفيش أنا اتعرضت لتهديدات كتيرة عشان أعمل الفيديو ده.. وأنا كل حاجة اتكلمت فيها قبل كده كانت بدليل قدام الناس.. وكل حاجة معايا أقسم بالله أقسم بالله كل دليل معايا.. وأنا قلت الصلح خير بس من الواضح إن الطرف التاني مش حابب يعمل ده».
