العدسة نيوز
مقالات مشابهة
أكدت المخرجة إيناس الدغيدي أنها لا تحاسب نفسها بفكرة الحلال والحرام وأنها دائما تحب طرح الأفكار والموضوعات المقتنعة بها.
وقالت إيناس الدغيدي خلال لقائها في برنامج “القرار” من تقديم نادية الزعبي عبر قناة “الغد”: “مفكرتش في الحرام كتير، مش حطاه تارجت بتاع حياتي لأني لو فكرت في الحرام مكنتش عملت حاجة في حياتي”.
وعن رأي الناس بها قالت إيناس الدغيدي: “في نظر الناس نسبة الحرام في حياتي ممكن تكون أكبر بكتير من اللي عملته، لأن أفكاري وجرأتي صدرت انطباع غير شخصيتي، أنا مش بشرب خمرة ولا سجاير وفي علاقاتي دايما مظبوطة مناسبة ليا سنا وعقلا مروحش أعمل علاقة خايبة ولا غبية ولا من تحت الترابيزة ممكن ناس تشوفها حرام لكن أنا بشوفها عادية، في حاجات كتير أنا مش بحاسب روحي بالحلال والحرام”.
وعن الأفكار التي دائما تقولها وتطرحها في أعمالها قالت إيناس الدغيدي: “أفكاري ظلمتني وقدرتني، دلوقتي قدرتني لأن اللي بيتعمل أكتر بكتير من اللي قولته زمان، لكن زمان أفكاري ظلمتني”.
وخلال اللقاء كشفت إيناس الدغيدي عن رأيها في ظاهرة التحرش.
وقالت إيناس الدغيدي: “أنا مش عارفة يعني إيه التحرش، التحرش السبب فيه الست، بحمل الست المسئولية لما أقول أنا حد اتحرش بيا هيتحرش بيا ليه؟ لو هو مريض هياخد بالقلم ومش هيكمل، في ستات بيلعبوا لعبة ويقولوا تحرش أنا مش مع أن التحرش بيجي من الراجل الست في جزء من تصرفاتها تخلي الراجل يتحرش بيها”.
