العدسة نيوز
مقالات مشابهة
نشر الفنان حمزة نمرة منذ قليل على صفحات التواصل الاجتماعي له صورة قديمة تجمعه بوالده في عيد ميلاده قائلاً:
” أنا
أنا فاكر الصورة دي، كانت في عيد ميلادي وبابا الله يرحمه كان جايب لي هدية، أنا كنت عايز الموقف يعدي بسرعة ومحرج واخواتي بيصوروني وبابا بيديني الهدية وهو حاضنني. لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي وعرفت تعبر عن المحبة اللي جواك للي حواليك.
بابا
بابا كان من صغره فنان وبيحب الرسم, كان نفسه يطلع رسام، لما خلص ثانوية عامة مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص
طبعاً اتخرج من الطب وما دخلش فنون جميلة وسافر واشتغل طبيب أربعين سنة، كان مخلص جداً لشغله وربنا رزقه نجاح وسمعة طيبة.
في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على الفيسبوك، كأنه بيقول إعرفوني، ده أنا، مش الشخص اللي عرفتوه الأربعين سنة اللي فاتت.
أغنية مرايات.. بأهديها ليك يا بابا “
يُذكر أن الفنان حمزة نمرة فقد والده العام الماضي بعد صراعٍ مع المرض؛ وحيث تعذر عن حضور الدفن لمرضه.
معلومات عن الفنان حمزة نمرة:
هو مغنٍ وملحن وعازف جيتار مصري، وُلد بالدرعية بالسعودية عام ١٩٨٠، أحب الموسيقى منذ صغره وقدم العديد من الأغاني الإنسانية والاجتماعية والعاطفية التي لامست قلوب محبيه، ولُقب ب سيد درويش العصر.
قدم حتى الآن ستة ألبومات وهم:- احلم معايا، إنسان، اسمعني، هطير من تاني، مولود سنة ٨٠، وألبومه الأخير رايق. بالإضافة إلى برنامجه الموسيقي ” ريميكس ” والذي قدم منه أربعة مواسم وحقق نجاح فائق على مستوى الوطن العربي بأكمله.
ألبوم رايق للفنان حمزة نمرة:
تصدر ألبوم رايق للفنان حمزة نمرة التريند على منصات الموسيقى لمدة شهر أو أكثر، حيث كان يحتوي على ١٣ أغنية ب ١٣ قصة ورسالة مختلفة، تنوع بين الحنين، والشعبي، والرومانسي، والكوميدي الساخر، وغيرهم.
وكان من ضمن هذا الألبوم أغنية ” مرايات ” والتي قال اليوم أنه أهداها لوالده الطبيب الذي استغنى عن حلمه مِن أجل مَن حوله؛ وحيث سأل حمزة نمرة قبل إصدار هذه الأغنية سؤالًا مثيرًا قائلًا: ” لو خيروك بين حلمك بس هاتخسر ناس غالية عليك أو تخسر حلمك بس يفضلوا جمبك هتختار ايه؟ “.
شاركونا أنتوا هتختاروا ايه؟!
