العدسة نيوز
مقالات مشابهة
استضاف برنامج “فيس اوف ” على شاشة قناة هي الفنانة إيمي طلعت زكريا ، حيث أشارت الفنانة إلى أن هناك تفاصيل مخفية ، حيث وجهت الهجوم لأحدى صفحات السوشيال ميديا بسبب نشر فيديو للفنان الراحل طلعت زكريا بالذكاء الاصطناعي، والذي يكشف أسرارًا بشأن وفاته حيث يزعم بأنه مات مقتولاً .
وعلقت إيمي على حقيقة علاقة هذا الفيديو بالفنان عادل إمام ، قائلةً : “لما شوفت الفيديو دا اتضايقت جدا لأنه فيه كلام خطير جدا وبيقولوا في الفيديو انه مات مقتول وبيتهموا حد زميل له وطبعا كان الاسقاط كله على الفنان عادل امام وطبعا دا مينفعش، لكن اتبسطت من كومنتات الناس بيقولوا انتوا ليه عايزين تطلعوا الفنانين كلهم مقتولة وفلان قتل فلان وانتوا صفحات تقرف”.
وأضافت: “توجهت لمباحث الانترنت وقدمت بلاغ باسكرين شوت الصفحات وهما اهتموا جدا بالموضوع وماشية في الإجراءات، لكن للاسف انا مكنتش عايزة اقول لان في صفحات اخدت احتياطاتها ومسحت الفيديو”.
وتابعت : “ابناء فنانين كتير بردة بياخدوا إجراءات بسبب نفس الموضوع بدون ذكر اسماء عشان هما مش عايزين حد يعرف عشان الفيديوهات متتشالش، لأنهم شافوا فيديوهات بالذكاء الاصطناعي لأهاليهم بيتكلموا عن تفاصيل وحاجات مرعبة جدا، محامين كتير تابعوا الموضوع معايا لأن الموضوع دا بقى مش طبيعي وفي حملة مقصودة لتشويه الفن والفنانين في مصر”.
