العدسة نيوز
مقالات مشابهة
بمناسبة تتويج الكوبي لوبيز عملاق المصارعة بالذهبية الخامسة على التوالي
فحابب اقول إن كرم جابر كان بطل مصري مُلهم و لحد دلوقتي بحب اتفرج على فيديوهاته. كرم جابر كان أسطورة بدون مبالغة كان مرعب في ٢٠٠٤ حرفياً وكان رايح وهو وصيف عالم . بس اللي قدمه كرم جابر في أولمبياد أثينا ٢٠٠٤ بالنسبالي كان خيال. مباريات بنتهي بسبب عدم جدارة المنافسين قدامه وفي نصف النهائي كسب التركي اوزال ١١ / ٠ وفي النهائي كسب اللاعب الجورجي ١٢ / ١ . كرم جابر في ٢٠٠٤ تقدر تقول انه كان مقفل اللعبة.
كرم جابر حقق ذهبية أثينا ٢٠٠٤ وفضية أولمبياد لندن ٢٠١٢.
و ميجين لوبيز الكوبي بيحقق ذهبية خامسة فبقولها بكل ثقة كرم جابر كان الرياضي المصري الوحيد في التاريخ اللي كان مؤهل يحقق إعجاز زي ده لمصر لو تم التعامل مع أسطورته بما يليق بها .
أحد الابطال الخارقين في مرحلة الطفولة و أحد الأبطال اللي لم ولن تنساهم ذاكرة كل اللي عاصر إنجازهم . العملاق كرم جابر ❤️
