العدسة نيوز
مقالات مشابهة
كشف الفنان أحمد سعد، عن تجربته مع الأطباء النفسيين، وذلك خلال لقاء لبرنامج SOLD OUT، الذي يقدمه الإعلامي محمود سعد المذاع عبر فضائية CBC.
وقال أحمد سعد: “أنا من أقدم المرضى النفسيين.. ده أعظم شيء في العالم إنك تروح لدكتور نفسي”٠
وأكد المطرب المصري، أن اللجوء للعلاج النفسي يمنح الإنسان مساحة للحديث بحرية مع شخص لا تعلمه أو تربطك به صلة.
وتابع سعد: “أهم شيء على وجه الأرض إنك تطلع الحاجة اللي جواك براك، كل ما بتحكي ده بيخليك أحسن كتير”.
وعن سبب عدم استعانته بالأصدقاء لإخبارهم بما يدور داخله، قال أحمد: “ده أنا أتفضح ويعايروني، أسوأ ناس في العالم أصحابي”٠
وأشار أحمد سعد، إلى أن الأطباء النفسيين يساعدون المريض على التعامل مع عيوبه.
وقال صاحب أغنية عليكي عيون : “إحنا وصلنا لأعمار معينة، مفيش حاجة اسمها تعالج عيوب عندك، في عيوب كتير بتحركنا، زي إنك تتعصب على مراتك أو تكلم ابنك بشكل معين أو تاخد قرارات سريعة”٠
وأضاف:”الناس فاكرة المرض النفسي إنك مشلول، لكن لا الأمر مرتبط بتصرفاتنا العادية اللي بندير بيها أمور حياتنا، كلنا بنشترك مع بعض في حاجات معينة؛ نرجسية وعصبية، لكن النسب مختلفة، والطبيب بيعرفك إزاي تتعامل مع عيوبك”٠
