بقلم دعاء سمير
أدركت حين بلغت الثلاثين ان:
*اهتماماتك وانطباعاتك هتتغير – يعنى مش هتتنازل عن حاجات مكنتش تتخيل انك تتنازل عنها زمان =تؤتؤ انطباعاتك هتتغير
*ستكتفي بأقل عدد من الأشخاص في حياتك بالمعني الصريح لجملة “قلل ناس زود وحده”
*صاحبك ده من بختك (ملحوظه صغيره صاحبك ده عائد على:” اكله حلوة+ مشروب مفضل +موسيقي هادئه لك اي” اكتفاء ذاتي كفي ” )
* احساس غريب مخيف أن العمر راح ولسه كان قدامي امبارح.
*سعادتك هتلاقيها في بطنك لوجيك”قلل ناس زود بيتزا”
*نظرتك لكل الأمور هتتغير وتستتفه حاجات كتير كانت ليها قيمة زمان عندك.
*هتبقي صريح اكتر مع نفسك ومع الواقع هتكون واقعي بنفس درجة ما كنت خيالي .
*عندك نظرة بعيده للأمور وهتحكم عليها بشكل مختلف عن زمان.
* تربطك علاقة طردية مابين : كلما زادت بساطة الحاجة اللي قدامك كلما زادت جمالها” مش هتحب الكلكعه”
*هتفهم أن السلام النفسي ده اهم من حاجات كتير في حياتنا ومن الاساسيات .
#يتبع